Մինսկ-2019․ Կարապետ Չալյանը՝ Եվրոպական խաղերի արծաթե մեդալակիր

Բելառուսի մայրաքաղաք Մինսկում ընթացող Եվրոպական խաղերի շրջանակներում պայքարի մեջ են մտել հունահռոմեական ոճի ըմբիշները։ Հայաստանը ներկայացնող հունահռոմեական ոճի ըմբիշ 77 կգ քաշային Կարապետ Չալյանը ոսկե մեդալի համար գոտեմարտում 6:7 հաշվով պարտվեց Ռուսաստանի ներկայացուցիչ Ալեքսանդր Չեխիրկինին և նվաճեց արծաթե մեդալ։

Հիշեցնենք՝ Կարապետ Չալյանը պայքարն սկսել էր 1/8 եզրափակչից՝ 9:0 հաշվով վստահ հաղթանակ տոնելով Ուկրաինայի ներկայացուցիչ Էլմար Նուրալիևի նկատմամբ: 1/4 եզրափակչում Չալյանը 2։1 հաշվով հաղթեց մոլդովացի Իգոր Բեսլագային։ Կիսաեզրափակչում Չալյանը գոտեմարտեց հունգարացի Տամաշ Լյորինցի հետ և 4:1 հաշվով հաղթանակ տոնեց՝ դուրս գալով եզրափակիչ։