Երևան`   +5 °C
Այսօր`   Ուրբաթ, 29 մարտի, 2024 թ.

Մինսկ-2019․ Գոռ Ներսեսյանը, հաղթելով թուրք մրցակցին, դուրս եկավ կիսաեզրափակիչ

334
Չորեքշաբթի, 26 հունիսի, 2019 թ., 23:30
Մինսկ-2019․ Գոռ Ներսեսյանը, հաղթելով թուրք մրցակցին, դուրս եկավ կիսաեզրափակիչ

Բելառուսի մայրաքաղաք Մինսկում ընթացող Եվրոպական խաղերի շրջանակներում Հայաստանը ներկայացնող 81 կգ քաշային բռնցքամարտիկ Գոռ Ներսեսյանը, 3։2 հաշվով հաղթելով թուրք Մալկան Բայրամին, դուրս եկավ կիսաեզրափակիչ՝ ապահովելով առնվազն բրոնզե մեդալ։ Հունիսի 28-ին կայանալիք կիսաեզրափակիչում Ներսեսյանը մենամարտելու է բրիտանացի Բենջամին Ուիտակերի հետ։

Գոռ Ներսեսյանը պայքարն սկսել էր 1/16 եզրափակչից, որտեղ հաղթանակ էր տարել Կոսովոյի ներկայացուցիչ Արդիտ Դելիժայի նկատմամբ, իսկ 1/8 եզրափակչում հաղթել էր մոլդովացի Անդրեյ Չիրյակովին։

Հիշեցնենք, որ ավելի վաղ կիսաեզրափակիչ էին դուրս եկել Հովհաննես Բաչկովը (64 կգ), Կարեն Տոնականյանը (60 կգ) և Արթուր Հովհաննիսյանը (49 կգ)։

Հունիսի 26-ին ռինգ դուրս եկած հայ բռնցքամարտիկներից Անուշ Գրիգորյանը (51 կգ), Բարեղամ Հարությունյանը (52 կգ) և Գուրգեն Հովհաննիսյանը (+91 կգ) պարտվել են 1/4 եզրափակչում։