Երևան`   +23 °C
Այսօր`   Ուրբաթ, 19 հուլիսի, 2019 թ.

Մինսկ-2019․ Ֆրանգուլյանը շարունակում է պայքարը

126
Չորեքշաբթի, 26 հունիսի, 2019 թ., 20:40
Մինսկ-2019․ Ֆրանգուլյանը շարունակում է պայքարը

Բելառուսի մայրաքաղաք Մինսկում ընթացող Եվրոպական խաղերի շրջանակներում Հայաստանը ներկայացնող 65 կգ քաշային ազատ ոճի ըմբիշ Վալոդյա Ֆրանգուլյանը մեդալի համար պայքարելու հնարավորություն է ստացել։ Ֆրանգուլյանը մեկնարկեց 1/8 եզրափակչից, որտեղ 0։6 հաշվով պարտվեց ադրբեջանցի Հաջի Ալիևին։ Ադրբեջանցի ըմբիշը դուրս եկավ եզրափակիչ, ինչի արդյունքում Ֆրանգուլյանն սփոփիչ գոտեմարտի մասնակցելու հնարավորություն ստացավ։

Վաղը կայանալիք գոտեմարտում Վալոդյան մրցելու է Բելառուսի ներկայացուցիչ Գեորգի Կոլիևի հետ։

Բելառուս ըմբիշին հաղթելու դեպքում Ֆրանգուլյանը բրոնզե մեդալի համար կգոտեմարտի Ուկրաինայի ներկայացուցիչ Գոռ Հովհաննիսյանի հետ, որին կիսաեզրափակչում հաղթել է Հաջի Ալիևը։

Հունիսի 26-ին պայքարի էր դուրս եկել նաև Սարգիս Հովսեփյանը (97 կգ), որը 1/8 եզրափակչում պարտվեց վրացի Էլիզբար Օդիկաձեին՝ 2։13 հաշվով։ Վրացի ըմբիշը դուրս չեկավ եզրափակիչ, ուստի Հովսեփյանը չի մասնակցի սփոփիչ գոտեմարտի։