Մինսկ-2019․ Հայաստանի հավաքականից պայքարն սկսում են բռնցքամարտիկները

Բելառուսի մայրաքաղաք Մինսկում մեկնարկեցին երկրորդ Եվրոպական խաղերը։ Մրցումային առաջին օրը պայքարի մեջ կմտնեն բասկետբոլիստները, նետաձիգները և բռնցքամարտիկները։

Հունիսի 21-ին Հայաստանի ներկայացուցիչներից ռինգ դուրս կգան բռնցքամարտիկները։

Հայաստանը կներկայացնեն Ժիրայր Սարգսյանը (56 կգ), Գուրգեն Մադոյանը (69 կգ), Արման Դարչինյանը (75 կգ), Հենրիկ Սարգսյանը (91) և Գուրգեն Հովհաննիսյանը (+91 կգ)։ Երևանի ժամանակով 21։00-ին կմեկնարկի Եվրոպական խաղերի բացման հանդիսավոր արարողությունը։ Շքերթի ժամանակ Հայաստանի դրոշակակիրը կլինի բռնցքամարտի Եվրոպայի գործող չեմպիոն Հովհաննես Բաչկովը։