«Red Eagles»-ը հայտարարություն է տարածել

«Red Eagles» ֆան ակումբը հայտարարություն է տարածել. «Սիրելի՛ հայրենակիցներ, Վրաստանում այսօր առավոտյան տեղի ունեցած միջադեպի կապակցությամբ, տեղեկացվել են Հայաստանի հանրապետության համապատասխան մարմինները, ինչից հետո խմբի հետ կապ են հաստատել Վրաստանում Հայաստանի դեսպանությունից՝ տեղեկացնելով, որ ձեռնարկվում են համապատասխան միջոցներ՝ խնդիրը կարգավորելու ուղությամբ։ Հետագա ընթացքի վերաբերյալ մենք կամ դեսպանությունը հանդես կգանք պաշտոնական հայտարարությամբ։ Այժմ խումբը գտնվում է Թուրքիայի տարածքում»։

Նշենք, մինչ այդ «Red Eagles»-ին տեղափոխող ավտոբուսին Բաթումի քաղաքում չեն թույլատրում շարժվել Հունաստան՝ պատճառաբանելով, որ իրենց պատկանող ավտոբուսը ՀՀ Ազգային անվտանգության ծառայության կողմից բռնագրավվել է Բագրատաշենի սահմանակետում»։