Գեղամ Պետրոսյանին կալանավորելու միջնորդություն է ներկայացվել դատարան

Մարտի 1-ի քրեական գործի շրջանակներում ձերբակալված ՀՀ ոստիկանության ներքին զորքերի նախկին շտաբի պետ, գնդապետ Գեղամ Պետրոսյանին մեղադրանք է առաջադրվել ՀՀ քրեական օրենսգրքի 104 հոդվածի 1-ին մասի հատկանիշներով: Պետրոսյանին կալանավորելու միջնորդություն է ներկայացվել դատարան: Տեղեկությունը հաստատել են ՀՀ հատուկ քննչական ծառայությանից։

Ավելի վաղ հայտնել էինք, որ պաշտպանը բողոքարկել է Գեղամ Պետրոսյանի ձերբակալման մասին որոշումը։
Հիշեցնենք, որ 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործի շրջանակներում 04.06.2019 թվականին ՀՀ քրեական օրենսգրքի 104-րդ հոդվածի 1-ին մասով նախատեսված հանցանք կատարելու՝ հրազենի գործադրմամբ Զաքար Հովհաննիսյանին դիտավորությամբ կյանքից զրկելու կասկածանքով ձերբակալվել է 2008 թվականի մարտի 1-ի դրությամբ ՀՀ ոստիկանության զորքերի հրամանատարի տեղակալի, նույն ինքը՝ շտաբի պետի պաշտոնը զբաղեցրած Գեղամ Պետրոսյանը: