«Կարծում եմ՝ Արսեն Ջուլֆալակյանի և իմ փաստարկներն ընդունելի կլինեն». Արտակ Մանուկյան

ԱԺ «Իմ քայլը» խմբակցության պատգամավոր, տնտեսագետ Արտակ Մանուկյանը ֆեյսբուքյան իր էջում գրել է. «Ցավոք, քանի որ խմբակցության կողմից գործուղվել եմ Կիև, չեմ կարողանա մասնակցել իմ և Արսեն Ջուլֆալակյանի համահեղինակությամբ գրված օրենքի ներկայացմանն ԱԺ-ում (որի հիմնական զեկուցողն էի)։
Այնուհանդերձ, կարծում եմ՝ Արսեն Ջուլֆալակյանի և իմ փաստարկներն ընդունելի կլինեն և ԱԺ-ն առաջին ընթերցմամբ կընդունի «Սպորտի և ֆիզիկական կուլտուրայի» մասին օրենքում փոփոխությունների նախագիծը, ու մենք բոլորովս առաջինից երկրորդ ընթերցում ձեռնամուխ կլինենք այն ավելի կատարելագործելուն։
Հորդորում եմ իմ բոլոր գործընկերներին կողմ քվեարկել մեր համատեղ օրենքի նախագծին։ Սպորտի աշխարհը պետք է իմանա, որ ԱԺ-ն բավական շատ անելիքներ ունի ու անմասն չի մնա նրանց ապագայի մասին մտածելու առումով»։