Վերջին օրորոցային. մահացող փոքրիկի օրգանները կյանքեր կփրկեն (թույլ նյարդեր ունեցողներին՝ չդիտել)

Համացանցը ցնցել է երիտասարդ ծնողների օրորոցայինը, որոնք վերջին անգամ երգում են իրենց մահացող դստեր համար: Դեպքը տեղի է ունեցել ԱՄՆ Այովա նահանգում:

21 ամսական Քարոլինի ուղեղը մահացել է ապրիլի 22-ին՝ 5 օր շարունակ պարագրիպի բարդացման դեմ պայքար մղելուց հետո: Երբ բժիշկները հայտարարել են, որ երեխայի կյանքը փրկել չի հաջողվի, ծնողները որոշել են նրա օրգանները հանձնել կարիքավորներին:

Տեսանյութում 29-ամյա մայրը, 32-ամյա հայրն ու հիվանդանոցի ողջ անձնակազմը փոքրիկին ճանապարհում են դեպի վիրահատարան, որտեղ նրա օրգանները կհեռացվեն՝ կյանքեր փրկելու համար:

Հայտնի է, որ երեխայի սիրտը նվիրվել է մեկամյա տղայի, լյարդը կփոխպատվաստվի մեկամյա աղջկա, իսկ երիկամները կփրկեն 41-ամյա կնոջ կյանքը:

Քարոլինի վշտացած մայրը մխիթարվում է այն գիտակցումով, որ իր երեխան մեծ ժառանգություն է թողել. «Ես այնքան երախտապարտ եմ, որ Քարոլինի հիշատակը կարող է ապրել: Մենք ցնցված ենք այն աջակցությամբ, որ ստացել ենք հիվանդանոցի անձնակազմից ու մարդկանցից՝ ամբողջ աշխարհից: Հաճելի է իմանալ, որ մեր փոքրիկ աղջիկը ոգշնչել է շատերին»:

Մայրը նաև կոչ է արել հետևել իրենց օրինակին և հնարավորություն տալ հեռացող հարազատներին՝ փրկել կյանքեր: