Հայ շախմատիստները 5 հաղթանակ են տոնել Եվրոպայի առաջնության 6-րդ տուրում

Մակեդոնիայի մայրաքաղաք Սկոպյեում շարունակվում է շախմատի Եվրոպայի տղամարդկանց անհատական առաջնությունը, որին Հայաստանը ներկայացնում է 8 շախմատիստ։ Այսօր կայացած 6-րդ տուրում հայ շախմատիստները տոնեցին 5 հաղթանակ, 3 պարտիա ոչ-ոքի ավարտեցին։ Շանթ Սարգսյանը, Սամվել Տեր-Սահակյանը, Արման Փաշիկյանը, Հայկ Մարտիրոսյանը և Մանուէլ Պետրոսյանը հաղթանակներ տոնեցին, իսկ Սերգեյ Մովսեսյանը, Ռոբերտ Հովհաննիսյանը, Հրանտ Մելքումյանը ոչ-ոքի խաղացին։ 6 տուրից հետո հայ շախմատիստներից լավագույն արդյունքը գրանցել է Սամվել Տեր-Սահակյանը, ով ընթանում է 14-րդ հորիզոնականում։