Հայաստանի պատանեկան հավաքականը 6-րդն է օլիմպիադայում

Թուրքիայում ավարտվեց մինչև 16 տարեկանների օլիմպիադան: Հայաստանի պատանեկան հավաքականը, չնայած վերջին երկու տուրերում հաղթանակներ տոնեց, ԱՄՆ-ի և Ռուսաստանի ուժեղ հավաքականների նկատմամբ, այնուամենայնիվ, իր ակտիվում գրանցեց 12 թիմային միավոր և գրավեց միայն 6-րդ հորիզոնականը՝ 3-րդ հորիզոնականը զբաղեցրած Չինասանից հետ մնալով ընդամենը 1 միավորով: Թիմի արդյունքի վրա անկասկած ազդեցին 1-ին տուրում Շվեյցարիային և 6-րդ տուրում Ադրբեջանից կրած պարտությունները: Նշենք, որ այդ երկու մրցախաղերում 1.5-1.5 հաշիվների ժամանակ մեր թիմի անդամները ամբողջովին հավասար դիրքերում սպառեցին պարտիայի համար տրամադրվող ժամանակը և պարտությունններ կրեցին: Օլիմիպադայի հաղթող դարձավ գործակցով առաջին դասակարգված Ուզբեկստանի թիմը, որը տարավ 8 թիմային հաղթանակ և կրեց միայն 1 պարտություն: Հդկաստանի հավաքականը 14 միավորով գրավեց 2-րդ ը, իսկ Չինաստանը 13 միավորով եզրափակեց լավագույն եռյակը: