Երևան`   0 °C
Այսօր`   Շաբաթ, 15 դեկտեմբերի, 2018 թ.

«Աղվես հավանոցում». ամերիկացի սենատորները՝ Ինտերպոլի ղեկավարի պաշտոնում ռուսաստանցու հնարավոր նշանակման մասին

3518
Երեքշաբթի, 20 նոյեմբերի, 2018 թ., 17:00
«Աղվես հավանոցում». ամերիկացի սենատորները՝ Ինտերպոլի ղեկավարի պաշտոնում ռուսաստանցու հնարավոր նշանակման մասին

Ամերիկացի սենատորները դեմ են Ինտերպոլի ղեկավարի պաշտոնում ռուսաստանցի գեներալ Ալեքսանդր Պրոկոպչուկի թեկնածությանը: Այս հայտարարել է սենատոր Ռոջեր Վիքերը, ով այլ սենատորների հետ դիմում է հղել ԱՄՆ նախագահ Դոնալդ Թրամփին, փոխանցում է Tvrain-ը:

Թրամփին ուղղված դիմումը ստորագրել են նաև սենատորներ Ջին Շահինը, Քրիս Քունսն ու Մարկո Ռուբիոն:

«Գեներալ-մայոր Ալեքսանդր Պրոկոպչուկին Ինտերպոլի ղեկավար ընտրելը նման կլինի աղվեսին հավանոցի պատասխանատու նշանակելուն»,- ասվում է դիմումի մեջ:

Սենատորները նշում են նաև, որ «Ռուսաստանը մշտապես չարաշահում է Ինտերպոլի կանոններն ու դրանք օգտագործում քաղաքական ընդդիմախոսների հետ հաշիվները մաքրելու համար»:

Ինտերպոլի ղեկավարի ընտրությունները կկայանան նոյեմբերի 21-ին: Այժմ Պրոկոպչուկը զբաղեցնում է կազմակերպության փոխնախագահի պաշտոնը, ինչպես նաև ղեկավարում ՌԴ ՆԳՆ Ինտերպոլի բյուրոն:

Հոկտեմբերի սկզբին հայտնի էր դարձել, որ Ինտերպոլի նախագահ Մեն Հունվեյն անհետացել է: