Երևան`   +6 °C
Այսօր`   Ուրբաթ, 29 մարտի, 2024 թ.

Ռուսաստանի ԿԲ-ը «Յունիստրիմ»-ին պատժել է

1455
Երկուշաբթի, 19 նոյեմբերի, 2018 թ., 16:20
Ռուսաստանի ԿԲ-ը «Յունիստրիմ»-ին պատժել է

Ռուսաստանի Կենտրոնական բանկի որոշմամբ «Յունիստրիմ» վճարային համակարգի արժութային գործարքները կես տարով սահմանափակվել են, գրում է РБК-ն՝ հղում անելով Коммерсант-ին:

Պարբերականի աղբյուրների հաղորդմամբ՝ սահմանափակումները սահմանվել են օգոստոսին տեղի ունեցած անսպասելի ստուգումներից, որոնց արդյունքում խախտումներ են արձանագրվել խոշոր արժույթ փոխանակած հաճախորդների նույնականացման ժամանակ:

«Յունիստրիմ»-ի վարչության նախագահ Կիրիլ Պալչունը պարբերականին հայտնել է, որ սահմանափակումներն անդրադարձել են արժույթի փոխանակման գործարքների վրա, որոնք կապ չունեն դրամական փոխանցումների անցկացման հետ:

Коммерсант-ի տեղեկություններով՝ «Յունիստրիմ»-ի եկամուտների էական մաս են կազմում աշխատավոր ներգաղթյալների գործարքները, որոնք աշխատավարձ են ստանում ռուբլիով և հայրենիք փոխանցում դոլարով, ընդ որում, պարբերականի խոսքով, ԱՊՀ մի շարք երկրներում փոխանակումը դժվարացել է: