Երևան`   +3 °C
Այսօր`   Հինգշաբթի, 15 նոյեմբերի, 2018 թ.

Իրանը Վաշինգթոնին մեղադրել է մարդկության դեմ հանցագործությունների համար

2185
Ուրբաթ, 09 նոյեմբերի, 2018 թ., 12:30
Իրանը Վաշինգթոնին մեղադրել է մարդկության դեմ հանցագործությունների համար

Միացյալ Նահանգները պատասխանատու են Իրանում և Եմենում մարդկության դեմ հանցագործությունների համար: Այս մասին Twitter-ի իր էջում գրել է Իրանի արտաքին գործերի նախարար Ջավադ Զարիֆը:

Զարիֆի խոսքով՝ ԱՄՆ պետքարտուղար Մայք Փոմփեոն Իրանին է մեղադրում Միացյալ Նահանգների «անօրինական պատժամիջոցների» համար, սակայն հենց ԱՄՆ-ն է պատասխանատու «մարդկության դեմ հանցագործությունների» համար:

Իրանի արտաքին գործերի նախարարը նշել է, որ ամերիկյան պատժամիջոցներն առաջին հերթին անդրադառնում են Իրանի բնակչության վրա, որը բախվում է դեղորայք և մթերք ձեռք բերելու դժվարությունների հետ:

Ավելի վաղ ԱՄՆ-ը մեկ տարով երկարաձգել էր Իրանի դեմ պատժամիջոցները: Պատժամիջոցներն անդրադարձել են նավթի արտահանմանը, բանկային և նավաշինության ոլորտներին: Իրանի նախագահը մեկնաբանել էր երկրի նկատմամբ նոր պատժամիջոցներն՝ ասելով. «Միասնությամբ և համատեղ ջանքերով կշրջանցենք ամերիկյան պատժամիջոցները, ԱՄՆ-ին կստիպենք զղջալ: Մենք օտարերկրյա ներդրումներ կներգրավվենք մեր երկիր... Կթարմացնենք տնտեսական զարգացման ուղին»: