Մերկելի հայտարարության ֆոնին եվրոյի փոխարժեքն ընկել է

Դոլարի նկատմամբ եվրոյի փոխարժեքն ընկել է Գերմանիայի կանցլեր Անգելա Մերկելի՝ Քրիստոնեա-դեմոկրատական միության ղեկավարի պաշտոնը լքելու պատրաստակամության մասին հայտարարությունից հետո, գրում է Lenta-ն:

Հրապարակման պահին եվրոն արժեցել է 1,14 դոլար, ապա հասել 1,1395-ի:

Ավելի վաղ Մերկելը հայտարարել է, որ չի վերընտրվի ՔԴՄ ղեկավարի պաշտոնում: Ներկուսակցական ընտրությունները կկայանան դեկտեմբերին:

Հիշեցնենք, որ մեկ ամիս առաջ կանցլերի դեմ էր դուրս եկել նրա առանցքային դաշնակիցը: