Թրամփն ընտրություններում իր հաղթանակը Ռուսաստանի համար «վատագույն իրադարձություն» է անվանել

2016թ. նախագահական ընտրություններում հաղթանակը «վատագույն իրադարձությունն էր, որը կարող էր տեղի ունենալ Ռուսաստանի հետ»: Այս մասին հայտարարել է ԱՄՆ նախագահ Դոնալդ Թրամփը, փոխանցում է Fox News-ը:

Նրա խոսքով՝ չնայած Մոսկվայի հետ տարաձայնություններին, անհրաժեշտ է կարգավորել երկու երկրների միջև հարաբերությունները:

«Ռուսաստանի, Չինաստանի, և, անկեղծ ասած, ԿԺԴՀ-ի, Հարավային Կորեայի, Ճապոնիայի և մյուսների հետ հարաբերությունները կարգավորելը լավ գաղափար է: Մենք կշարունակենք արդյունքի հասնել»,- ասել է Թրամփը:

ԱՄՆ նախագահը հանդես էր եկել նմանատիպ հայտարարությամբ նաև օգոստոսին: Այդ ժամանակ նա ասել էր, որ Մոսկվային չի գոհացնում այն, որ ինքն ընտրվել է ԱՄՆ նախագահի պաշտոնում: