«ԱՄՆ-ը դուրս է գալիս Իրանի հետ կնքած բարեկամության մասին պայմանագրից». Փոմփեո

ԱՄՆ պետքարտուղար Մայք Փոմփեոն հայտարարել է, որ ԱՄՆ-ը դադարեցնում է 1955թ. կնքած բարեկամության, տնտեսական հարաբերությունների և հյուպատոսական իրավունքների մասին իրանա-ամերիկյան պայմանագիրը:

«Հայտարարում եմ, որ Միացյալ Նահանգները դադարեցնում է 1955թ. Իրանի հետ կնքած պայմանագիրը: Այդ որոշումն, անկեղծ ասած, ընդունվեց 39 տարի ուշացումով»,- The Hill-ը մեջբերում է պետքարտուղարի խոսքը:

Նշվում է, որ 39 տարի առաջ՝ Թեհրանում ԱՄՆ դեսպանատան աշխատակիցների ու դիվանագետների պատանդառության ժամանակ, ճգնաժամ առաջացավ ԱՄՆ-ի և Իրանի միջև հարաբերություններում: ԱՄՆ-ի վարչակազմն ամերիկացիների պատանդառությունն ընդունեց որպես «դիվանագիտական ինստիտուտների նկատմամբ պատերազմ»: