«ԱՄՆ-ն շատ արագ ավարտին կհասցնի Իրանի դեմ պատերազմը»․ Թրամփ

ԱՄՆ նախագահ Դոնալդ Թրամփը հայտարարել է, որ մտադիր է «շատ արագ» ավարտին հասցնել Իրանի դեմ պատերազմը։

«Ես պետք է ավարտեմ Իրանի դեմ պատերազմը, և դա կանեմ շատ արագ։ Նրանք շատ են տառապել, մենք վերջ կդնենք սրան», - հայտարարել է Թրամփը՝ Օհայո նահանգում հանրապետական ​​կողմնակիցների հետ հանդիպման ժամանակ, որը տեղի է ունեցել ԱՄՆ Քոնգրեսի միջանկյալ ընտրություններին ընդառաջ։

«Մենք չենք սկսել այս պատերազմը. այն պետք է կարգավորվեր դեռ իմ [իշխանության] գալուց շատ առաջ՝ այլ նախագահների կամ այլ երկրների կողմից։ Այդ մասին պետք է հոգ տանեն այլ նախագահներ», - նշել է ԱՄՆ առաջնորդը՝ հավելելով՝ Իրանը երբեք միջուկային զենք չի ունենա։

Ամերիկյան լրատվամիջոցներն ավելի վաղ հայտնել էին, որ ԱՄՆ-ն և Իսրայելը մտադիր են Իրանի դեմ նոր ռազմական գործողության իրականացնել, որը կարող է սկսվել նոյեմբերին կայանալիք ԱՄՆ միջանկյալ ընտրություններից անմիջապես հետո, եթե դիվանագիտական ​​բանակցությունները ձախողվեն։