«Ենթադրում եմ՝ այդ բողոքների մեջ ինչ-որ աննպաստ հանգամանքներ են հիշատակված եղել»․ Գագիկ Ջհանգիրյան

«Դատարան չեն հասել Նաիրի Հունանյանի, Կարեն Հունանյանի, Էդիկ Գրիգորյանի, Վռամ Գալստյանի վերաքննիչ բողոքները, որոնք հնարավոր չէր, որ չգրվեին։ Նրանք նաև իրենց փաստաբաններն ունեին, որոնք ևս պետք է գրեին այդ բողոքները»,- ասուլիսի ժամանակ շարունակելով թեման՝ ասել է նախկին զինդատախազ Գագիկ Ջհանգիրյանը։ «Բայց այդ բողոքները չեն գնացել, ինչո՞ւ։ Ենթադրում եմ, որ այդ բողոքների մեջ ինչ-որ աննպաստ հանգամանքներ են հիշատակված եղել, հատկապես 27-ի լույս 28-ի գիշերը տեղի ունեցող բանակցությունները՝ Քոչարյան-Նաիրի Հունանյան-Ալեքսան Հարությունյան, և այդ բանակցությունների ընթացքում տրված երաշխիքների շուրջ ինչ-որ բաներ են եղել, որովհետև, եթե իրենք արդեն ցմահ դատապարտվել են, էլ կորցնելու ոչինչ չեն ունեցել և, բնականաբար, ինչ ունենային, պիտի ասեին դատարանին»,- շարունակել է նա։