Թուրքիայի ածխահանքում պայթյուն է տեղի ունեցել․ կան զոհեր և վիրավորներ

Թուրքիայի հյուսիս-արևմուտքում՝ Զոնգուլդաք նահանգի Քիլիմլի շրջանում գտնվող «Հելիք» մասնավոր ածխահանքում մեթան գազի պայթյուն է տեղի ունեցել, հայտնում են տեղական լրատվամիջոցները։ Միջադեպի հետևանքով երկու հանքափոր զոհվել է, ևս հինգը՝ վիրավորվել։ Վիրավորներից երկուսի վիճակը ծանր է։ Դեպքի առթիվ հետաքննություն է սկսվել։