«Ալեն Սիմոնյանը որպես ադրբեջանցի զինված հրոսակի դատապաշտպան է հանդես եկել»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է․ «Ալեն Սիմոնյանը չի կարող լինել Հայաստանի անվտանգության խորհրդի քարտուղար.
Ալեն Սիմոնյանը Շաքիի բնակչի տուն ներխուժած, Անի Ավետիսյանի և նրա որդուն վնասվածքներ հասցրած ադրբեջանցի զինծառայողի մասին հարցին պատասխանել է «Ներխուժո՞ւմը։ Ադրբեջանցին ներխուժե՞լ է Հայաստան, Կբացատրեք ներխուժում բառը, մոլորվել ա, բա ինչ ա արել, մոլորվել ա էդ մարդը»։ Ալեն Սիմոնյանը որպես ադրբեջանցի զինված հրոսակի դատապաշտպան է հանդես եկել։ Ալեն Սիմոնյան, եթե ադրբեջանցին չի ներխուժել Հայաստանի տարածք, բա ի՞նչ է արել, որպես խաղաղության աղավնի՞ է եկել։ Նման կերպ խոսող Ալեն Սիմոնյանը չի կարող լինել Հայաստանի անվտանգության խորհրդի քարտուղար»։