«Դուք խորշո՞ւմ եք ինձ հետ հանդիպումից». Մեսրոպ Մանուկյան

Բյուջետային քննարկման ժամանակ դիմելով ՀՀ ՄԻՊ Անահիտ Մանասյանին՝ ընդդիմադիր պատգամավոր Մեսրոպ Մանուկյանն ասաց. «Մեկ ամիս է՝ դիմում եմ ձեր գրասենյակին՝ հանդիպում պահանջելու, ասում են՝ գործուղման եք: Դուք խորշո՞ւմ եք իմ հետ հանդիպումից...Ե՞րբ ենք համատեղ այցելում ՔԿՀ-ներ»: Մանասյանին դուր չեկավ պատգամավորի հնչեցրած հարցի տոնայնությունը. «Քննարկում ենք ՄԻՊ հաստատությանը բյուջեի միջոցներից տրամադրվող հատկացումների չափն ու քննարկում ԱԺ հանձնաժողովների նիստում, ոչ թե քրեական ենթամշակույթին բնորոշ կանոններով: Ընդդիմադիր գործընկերների հետ, քաղաքական մեծամասնությունը կազմող գործընկերների հետ ունենք լավ համագործակցություն ու ցանկացած իրավիճակում, երբ ես ՀՀ-ում չեմ, նրանք հիանալիորեն կարողանում են մեզ հետ համաձայնության գալ, եթե շտապ հարց է, անմիջապես փոխանցում են իմ տեղակալի, գլխավոր քարտուղարի հեռախոսահամարը... Ես մեկնում եմ գործուղումների ու դրանցից շատերի նպատակը տարբեր տարածաշրջաններում ՄԻՊ հաստատությունների պաշտպանությունն է ու մարդու իրավունքների ոլորտում իրականացվող զարգացումները»,- մասնավորապես ասաց Մանասյանը: