«Նիկոլն ատում է հային, զզվում՝ հայկական ինքնությունից»․ Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Մի հատ ոչ քաղաքական, այլ բնական, եթե կուզեք՝ բանական դիտարկում անեմ։ Ես գտել եմ Նիկոլին բնորոշող, թերևս, ամենահամապարփակ ու կարճ բանաձևումը. նա ուղղակի ատում է հային. ասեմ ավելին՝ զզվում է հայկական էությունից ու ինքնությունից։ Ու ասեմ՝ դա բնավ էլ չի թաքցնում. իր կոնկրետ քայլերով հստակ, թիրախային ցույց է տալիս, թե հատկապես ինչն է ավելի շատ ատում։
Իրականում համաշխարհային պատմության մեջ շատ են եղել բռնապետեր, ավտորիտար կառավարիչներ՝ Մաո, Պինոչետ, Ներոն, Մուսոլինի, Քադաֆի և այլք, սակայն վստահաբար կարելի է ասել, որ նրանցից և ոչ մեկը սեփական ազգի ինքնության հանդեպ նման կարգի ատելություն չի ունեցել։
Ասածներս էլ ավելի ցցուն ու ամբողջական երևում են Նիկոլի «գիրք» կոչվածի մեջ, որտեղ ակնհայտորեն դրսևորված են նրա բոլոր թաքուն ցանկություններն ու սրտի ուզածը, կարճ ասած՝ այն, ինչը նա այսօր գծած իրականացնում է»։