ԱՄՆ Six Flags զվարճանքների այգում մեկ մարդ է զոհվել, մի քանիսը՝ տուժել

ԱՄՆ Ջորջիա նահանգի զվարճանքների այգու ատրակցիոններից մեկում տեղի ունեցած միջադեպի հետևանքով մեկ մարդ է զոհվել, մի քանիսը՝ վնասվածքներ ստացել, հայտնում է CBS News-ը։
Թեև ոստիկանությունը հստակ չի նշել, թե կոնկրետ որ ատրակցիոնի հետ է կապված միջադեպը, CBS News Atlanta-ի խումբը տեսանկարահանել է կանգ առած «Goliath» ատրակցիոնը։ Այցելուներին դրա ամենաբարձր կետից տարհանել են վթարային աստիճանների միջոցով։
Միջադեպի պատճառը դեռ հայտնի չէ։

CNN-ը՝ հղում կատարելով ականատեսներին գրում է, որ զոհավածն ընկել է ատրակցիոնից:

2006 թվականին շահագործման հանձնված ատրակցիոնն այգում ամենաբարձրն է․ դրա առավելագույն բարձրությունը 61 մետր է, իսկ անկման բարձրությունը՝ 51,8 մետր։ Ատրակցիոնը զարգացնում է մինչև 113 կմ/ժ արագություն։