«Այս իշխանությունների մոտ ոչ միայն զիջումներն են միակողմանի, այլև՝ խաղաղությունն ու դրա խնամքը»․ Լիաննա Գասպարյան

ԱԺ «Ուժեղ Հայաստան» խմբակցության պատգամավոր Լիաննա Գասպարյանը ֆեյսբուքյան իր էջում գրում է․ «Վերջին իրադարձությունը, որը տեղի ունեցավ «հաստատված խաղաղության դարաշրջանում», մեկ անգամ ևս ապացուցեց, որ այս իշխանությունների մոտ ոչ միայն զիջումներն են միակողմանի, այլև՝ խաղաղությունը ու դրա խնամքը։
Սակայն իրադարձությունների հետագա ընթացքը միայն ցույց կտա, թե ինչքանով են իրական իշխանությունների այն պնդումները, որ իրենք ամեն ինչ անում են գերության մեջ գտնվող հայրենակիցներին հայրենիք վերադարձնելու հարցում։
Արդյո՞ք հայ երեխային վնասել փորձող, երեխաների ներկայությամբ հայ կնոջ վրա կրակած ադրբեջանցին անարգել կհանձնվի Ադրբեջանին, թե՞ իշխանությունները համարձակություն կցուցաբերեն իրենց խոստացածը իրականացնելու ուղղությամբ, այն է՝ գերիների ազատ արձակումը»։