«Օսկար»-ի առաջադրվելուց հետո ռեժիսոր Անդրեյ Զվյագինցևը ճանաչվել է «օտարերկրյա գործակալ»

Գործակալության կայքում տեղադրված հայտարարության համաձայն՝ Արդարադատության նախարարությունը ռուս ռեժիսոր Անդրեյ Զվյագինցևին ճանաչել է՝ որպես «օտարերկրյա գործակալ»։ Հատկանշական է, որ սեպտեմբերի 16-ին Ֆրանսիան Զվյագինցևի «Մինոտավր» ֆիլմը առաջադրեց «Օսկար»-ի։

Գրանցամատյանում ընդգրկվել են նաև լրագրող Միխայիլ Շևելևը, ղազախստանցի ակտիվիստ Երժան Տուրգումբայը, բլոգեր Պավել Իվանովը և «Անարխիստ-35» նախագիծը։

Գործակալության տվյալներով՝ նրանք բոլորը տարածել են «կեղծ տեղեկություններ» Ռուսաստանի իշխանությունների որոշումների և քաղաքականության մասին։

Վերջին անգամ՝ սեպտեմբերի 11-ին, օտարերկրյա գործակալներ են հայտարարվել «Պերմ-36» նախագիծը, «Տեսլականի ալիքը», ինչպես նաև քաղաքագետ և իսլամագետ Ռինատ Մուխամետովը, «Ի՞նչ։ Որտե՞ղ։ Ե՞րբ» ինտելեկտուալ հեռուստաշոուի նախկին մասնակից Եկատերինա Մերեմինսկայան և ակտիվիստ Ելենա Մատվեևան։ Պատմաբան Եվգենի Պոնասենկովը հանվել է գրանցամատյանից, քանի որ նա այլևս չուներ օտարերկրյա գործակալի հատկանիշներ։

«Օտարերկրյա գործակալ» հասկացությունը ի հայտ եկավ 2012 թվականի զանգվածային բողոքի ցույցերի ֆոնին։ Այժմ այս կարգավիճակը շնորհվում է ոչ միայն քաղաքական գործունեության և արտասահմանից ֆինանսավորման, այլև «օտարերկրյա ազդեցության» տակ ընկնելու համար։