Արարատի գյուղերից մեկում 2 տարեկան աղջիկն ընկել է թոնիրը

Սեպտեմբերի 13-ին արտակարգ դեպք է տեղի ունեցել Արարատի մարզում։ Ժամը 22։00-ի սահմաններում ՆԳՆ տեղեկություն է ստացվել, որ գյուղերից մեկում 2-ամյա աղջիկն ընկել է թոնիրը և նրան՝ «դեմքի 1-ին, 2-րդ աստիճանի այրվածք, ձախ վերին վերջույթի 2-րդ, 3-րդ աստիճանի այրվածք, զույգ ստորին վերջույթների 1-ին, 2-րդ աստիճանի այրվածք» ախտորոշմամբ, տեղափոխել են «Արտաշատ» բժշկական կենտրոն։ Ինչպես հայտնում է Գագիկ Շամշյանը, ոստիկանները պարզել են, որ տուժածը Արարատի մարզի բնակիչ Է․ Ա․-ն է։ Երեխան նույն օրը՝ ժամը 21։15-ի սահմաններում, իրենց տան թոնրատանը պատահաբար ընկել է կիսաայրվող թոնրի մեջ, որի հետևանքով ստացել է նշված այրվածքները։ Մանրամասները՝ սկզբնաղբյուրում: