«Շատերի հետ վիճում էի, որ հնարավոր չէ՝ Առուշը համագործակցի ՔՊ-ի հետ․ ցավում եմ»․ Իշխան Սաղաթելյան

«Ցավում եմ և ափսոսում իր այդ քայլի հետ կապված»,- ասուլիսի ժամանակ այսպես արձագանքեց ԱԺ «Հայաստան» խմբակցության պատգամավոր Իշխան Սաղաթելյանը՝ առաջիկա ՏԻՄ ընտրություններում Գորիսի քաղաքապետ Առուշ Առուշանյանի կուսակցության՝ ՔՊ-ի հետ դաշինքով մասնակցելու հանգամանքին։ «Մեկ տարի առաջ, երբ շատերն ինձ ասում էին, որ հնարավոր է՝ Առուշը համագործակցի ՔՊ-ի հետ, վիճում էի, որ՝ չէ, հնարավոր չէ։ Այն, ինչ արվել է՝ անընդունելի է, անհասկանալի և՛ քաղաքական, և՛ մնացած մակարդակում։ Առնվազն ինձ համար ցավ է ու անսպասելի»,- նշեց ընդդիմադիր պատգամավորը։