NBC Los Angeles-ի ուղղաթիռի կործանման հետևանքով երեք մարդ է զոհվել

Լոս Անջելեսի Չաթսվորթ թաղամասում ուղղաթիռ է կործանվել և հրդեհվել։ Երեք մարդ զոհվել է, ևս մեկը հոսպիտալացվել, հայտնել է քաղաքի հրշեջ վարչության (LAFD) մամուլի ծառայությունը։

Գերատեսչության տվյալներով՝ ուղղաթիռն ընկել է երկու շենքերի արանքում։ Հրդեհի հետևանքով վնասվել է չորս տրանսպորտային միջոց։ Դեռևս հայտնի չէ, թե ընդհանուր քանի մարդ է եղել ուղղաթիռում։

NBC Los Angeles հեռուստաալիքը հաստատել է, որ օդանավն իրենց էր պատկանում։ Նշվում է, որ մի քանի հեռուստաընկերությունների ուղղաթիռներ գտնվում էին Սան Ֆերնանդոյի հովտի արևմտյան հատվածում, որտեղ լուսաբանում էին ավտոբուսի մասնակցությամբ պատահարը, որի հետևանքով երկու մարդ զոհվել էր, ևս վեցը՝ վիրավորվել։

Ուղղաթիռի կործանման պատճառը դեռևս հայտնի չէ։