Վահագն Խաչատուրյանը լրագրողներին խնդրել է դուրս գալ Հոգաբարձուների խորհրդի նիստից

Ընթանում է «Հայաստան» համահայկական հիմնադրամի Հոգաբարձուների խորհրդի նիստը, որին մասնակցում է նաև վարչապետ Նիկոլ Փաշինյանը։ Նախագահ Վահագն Խաչատուրյանը նիստի օրակարգը հաստատելուց հետո հայտարարել է, որ այն կանցկացվի դռնփակ։

«Օրակարգը հաստատված է, եկեք սկսենք աշխատել։ Լրագրողներին շնորհակալություն եմ հայտնում ներկա լինելու համար, խնդրում եմ թույլ տալ մեզ աշխատել առանց ձեզ»,- ասել է Խաչատուրյանը։