«Փորձել գնահատական տալ 70-ն անց մարդուն, որի սիրտը ստենդավորել են, բարոյական չէ»․ Մեսրոպ Մանուկյան

«Փորձել գնահատական տալ 70-ն անց մարդուն, որի սիրտը ստենդավորել են, դա առնվազն բարոյական և ճիշտ չէ, հատկապես այն պարագայում, որ նախագահն էլ հատուկ պահպանվող անձ է մեր երկրում, այսինքն՝ նույն ՊՊԾ աշխակիցներն ուղեկցում են, իրենք տիրապետել են ինֆորմացիային, որ եղել է սրտի ստենդավորում ու այդ ժամանակ չի եղել կալանավորման կամ ձերբակալման փաստը»,- ասուլիսի ժամանակ անդրադառնալով Նիկոլ Փաշինյանի հայտարարությունը՝ ասել է ԱԺ «Հայաստան» խմբակցության պատգամավոր Մեսրոպ Մանուկյանը՝ նշելով, որ նույնիսկ ֆուտբոլիստների մոտ, ովքեր զբաղվում են ակտիվ սպորտով, սրտի հետ կապված խնդիրներ լինում են։

Հիշեցնենք, որ անցած շաբաթ ճեպազրույցի ժամանակ Նիկոլ Փաշինյանը խոսելով նախկին պաշտոնյաների վերաբերյալ քրգործերից՝ ասել էր․ «Մի ամիս առաջ տուռնիկի վրա պտտվում էին. հենց մեղադրանքը տեսնում են, դառնում են մահամերձ»։