«Նարեկ-Երևան երթուղու վարորդներն ուղեվարձի համար տարբեր գին են պահանջում»․ Արփինե Խաչատրյան

Այգեվազի «Կորիզ» երիտասարդական կենտրոնի համահիմնադիր Արփինե Խաչատրյանը ֆեյսբուքյան իր էջում գրել է․ «Միասնական տրանսպորտային համակարգը նոր է գործարկվել Արարատի մարզում, արդեն բարդակը սկսվեց: Նախ, պարզվում է՝ ներհամայնքային տրանսպորտը այդ միասնականից կարող է դուրս լինել, օրինակ Նարեկ-Արտաշատը շարունակելու է գտնվել Արտաշատի համայնքապետարանի տիրույթում ու, ենթադրաբար, որևէ բարեփոխում չի սպասվում, իսկ Նարեկ-Երևանի վարորդներն էլ ուղեվարձի համար տարբեր գին են պահանջում. մի մասը 300 դրամ, մյուս մասը՝ 350: Կոնկրետ 09.09.2026 երեկոյան ժամը 19:00-ի վարորդը 300 դրամ վճարած ուղևորին նկատողություն արեց և պահանջեց վճարել 350 դրամ, այդպիսով գողանալով նրա 50 դրամը ու այդ սպրինտերում եղած մնացած բոլոր ուղևորների 50 դրամը: Սա խոսում է սպասարկողի և վերահսկող մարմինների անպատասխանատու գործելավոճի մասին, որը ինձ համար սպասելի էր:
Չվացուցակը վերցրել եմ Կարևոր Ինֆո-ի հրապարակած նյութից»: