«Ինչու Փաշինյանը Բիշքեկում խոսեց հայերեն». Արա Պողոսյան

Քաղաքագետ Արա Պողոսյանը ֆեյսբուքյան էջում գրել է․ «Փաշինյանը Բիշքեկում խոսեց հայերեն։ Հայաստանում այս փաստը տարբեր արձագանքներ գտավ՝ դրականից միչև խիստ բացասական։
Ես կողջունեմ այս քայլը, եթե այսուհետ բոլոր հարթակներում միայն հայերեն խոսք հնչի, հակառակ դեպքում սա պարզապես էժանագին մոտեցում է միջազգային հարաբերություններին։
Ես ընդհանրապես, կարծում եմ, որ այն երկրի առաջնորդը, ով ցանկանում է հզորացնել իր պետությունը, ընդգծել իր հավատարմությունն ազգային իդեալներին, Մայրենի լեզվին, միջազգային բարձր հարթակներում պետք է խոսի իր մայրենի լեզվով։ Եվ եթե նրա խոսքն ունի նշանակություն, ապա որևէ էական նշանակություն չունի մյուսների համար, թե ինչ լեզվով հնչեց կարևոր գաղափարը։ Բայց դե կասկած չունեմ, թե այս մոտեցման մոտիվացիան որտեղից է գալիս․․․»։