«Ադրբեջանում չեն խոսում իրենց զիջումներից, որովհետև չկան այն ուժերը, որ թարս ներկայացնեն այդ պրոցեսները». Արարատ Միրզոյան

«Հանրային»-ի եթերում Պետրոս Ղազարյանն անկլավների վերաբերյալ հարց տվեց ԱԳ նախարարին. «Եթե չկան դեռևս խաղի կանոններ, ինչո՞ւ ենք խոսում զիջումների մասին: Ես չեմ հիշում, որ Ադրբեջանում ինչ-որ ուժեր խոսեն իրենց զիջումների մասին»:
«Գիտե՞ք ինչի, որովհետև Ադրբեջանում չկան այն ուժերը, որ շահարկեն, ծուռ ու թարս ներկայացնեն այդ պրոցեսները, ասեն՝ այնտեղ անկառավարելի պրոցեսներ են ընթանում: Իսկ խաղի կանոններ կան: Ալմա Աթայով պիտի լինեն: Հիմա Ալմա Աթայով ունենք քարտեզների մի համախումբ, ասել ենք՝ էս սկզբունքով պիտի լինի: Մենք չենք կարող այդ սկզբունքը մի հատվածում ընդունել, անկլավի մասով չընդունել, դա ձեռառնոցի ա, վտանգավոր ա մեզ համար: Ադրբեջանն էլ կասի՝ սկզբունքը, որ ֆիքսել ենք հյուսիսում, հարավում չենք ընդունում»,- պատասխանեց Արարատ Միրզոյանը: