«Ինչո՞ւ է ՌԴ-ն մեզ մղում հանրաքվեի ճանապարհով որոշելու ՀՀ-ի աշխարհաքաղաքական ուղղությունը»․ Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը. «Բիշքեկում Պուտինը ևս մեկ անգամ ՆՓ-ի հետ կխոսի Մոսկվայի դիրքորոշման մասին և կհորդրոի ինչպես ԵԱՏՄ-ը մնացած անդամները գնալ հանրաքվեի ճանապարհով։ Այս մասին ասել է Պեսկովը։
Ինչո՞ւ է ՌԴ-ն մեզ մղում հանրաքվեի ճանապարհով որոշելու ՀՀ-ի աշխարհաքաղաքական ուղղությունը դեպի «Եվրոպա», իսկ իրականում դեպի Թուրքիա։ «Մուժիկն» ու «բեյէֆենդին» Բարձր դռան համաձայնությա՞ն են եկել, թե՞ Վ.Պուտինն ունի տվյալներ, որ հայ ժողովուրդն ընտրելու է ԵԱՏՄ-ն, իսկ միգուցե հոգնել են հայկական հարցից և ուզում են բեռնաթափվել։
Տեսականորեն վաղը Հայաստանում եղավ հանրաքվե և մենք ընտրեցինք Եվրամիության ճանապարհը։ Մեր հարևաններից ոչ ոք Եվրամիության անդամ չէ, ինչպես նաև հարևաններից ոչ ոք ԵԱՏՄ-ում չէ։ Կարող ենք դիտարկել, որ աշխարհաքաղաքական իմաստով մենք հայտնվում ենք կրկին մեկուսացման մեջ։ Չհաշված, որ տարաբնույթ ԹՐԻՓ-երով մեզ որ կողմից ուզեն վրաերթի են ենթարկելու, իսկ էներգետիկ և կոմունիկացիոն ենթակառուցվածքներով մեզ աստիճանաբար կապելու են Թուրքիային և Ադրբեջանին։
Հայաստանից ձերբազատվելու և Կովկասը թուրքերի հետ կիսելու ռուսական իմիտացիոն (նաև պարտադրված) քաղաքականությունն աստճանաբար բացում է Մեծ Թուրանի վարագույրը տարածաշրջանում՝ դրա ռիսկայնությունը հասցնելով կրիտիկական աստիճանի։ Սա խաթարելու է անվտանգության ավանդական համակարգը ողջ Եվրասիական մայրցամաքում։
Հ.Գ. Կարծում եմ ավելի ռացիոնալ է Հանրաքվեի թերթիկում դնել ՇՀԿ-ի անվանումը ճիշտը Չինաստանն է, բայց թե որ կողմ է նայում պաշտոնական Պեկինը՝ ցույց կտա ժամանակը»։