«Մի՛ միջամտեք իմ խոսքին», «անջատե՛ք խոսափողը». լեզվակռիվ՝ Լևոն Քոչարյանի և Վահագն Ալեքսանյանի միջև

«Երբ որ դուք թեկնածու էիք ու քննարկումներն էր գնում ձեզ ընտրելու հետ կապված, «Քաղաքացիկան պայմանագրի» պատգամավորների կողմից փորձ արվեց գրեթե 91 թվականից սկսած ՊԵԿ ամբողջ համակարգի ենթադրյալ ու իրական բացթողումները ձեր հետ կապելու, ու նաև այս համատեքստում պատգամավորներից մեկը ասեց, որ ձեր դեմ ինչ-որ հաղորդում պետք է ներկայացվի կամ ժողովրդի լեզվով ասած՝ գործ տալու մասին ակնարկեց...»,- ԱԺ նիստին, դիմելով «Ուժեղ Հայաստան»-ի պատգամավորին» ասաց «Հայաստան» խմբակցության պատգամավոր Լևոն Քոչարյանը:

ԱԺ փոխնախագահ Վահագն Ա,եքսանյանը միջամտեց՝ նշելով, որ Քոչարյանի ասածը «քրեական ենթամշակույթի բաղադրիչ է»:

«Մի՛ միջամտեք իմ խոսքին, ես եմ ընտրում իմ խոսքը: Երբ որ խոսեմ վերջացնեմ, նոր»,- արձագանքեց Քոչարյանը, ինչին ի պատասխան Ալեքսանյանը նախազգուշացում տվեց նրան՝ ասելով. «անջատեք պարոն Քոչարյանի խոսափողը, ես եմ խոսում, լսեք ինձ»: