«1974թ-ի հուլիսի 14-ին Կիպրոսում տեղի ունեցավ այն, ինչը հետևանքների իմաստով նման էր 2018թ-ին ՀՀ-ում տեղի ունեցածին». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «1974 թվականի հուլիսի 14-ին Կիպրոսում տեղի ունեցավ այն, ինչը հետևանքների իմաստով նման էր 2018 թվականին Հայաստանում տեղի ունեցածին։
Կիպրոսում տեղի ունեցած և հետագայում իր պատիվ Հունաստանի «սև գնդապետների», «սև մայորների» հեղաշրջումը նպատակ ուներ Կիպրոսը վերամիավորել Հունաստանի հետ, սակայն արդեն հեղաշրջումից 5 օր անց թուրքական բանակը՝ Կիպրոսում սահմանադրական կարգը վերականգնելու պատրվակով ներխուժեց կղզի։
Հատուկ պետք է նշել, որ կղզում թուրքական հետախուզությունը երկար ժամանակ աշխատանք էր կատարել, որպեսզի լինի լարված մթնոլորտ և ստեղծվի կղզի ներխուժելու համար լեգիտիմ առիթ։ Ճիշտ այնպես, ինչպես օգտագործվեց Նիկոլ Փաշինյանի կողմից «Արցախը Հայաստան է և վերջ» հայտարարությունը որպես բանակցությունների ձախողման ապացույց Ադրբեջանի համար։
Օգոստոսի 14-ից 16-ը թուրքական 40 հազարանոց բանակը շուրջ 200 տանկերով իրականացրեց կղզու վրա հարձակման 2-րդ փորձը, և այս անգամ արդեն Կիպրոսի 37%-ն անցավ թուրքերի։ հսկողության տակ։
Սա Հունաստանի տարեգրության մեջ այն ողբերգական դեպքերից է, երբ հունական կղզում 140-200 հազար հույն դարձավ փախստական։ Իսկ Թուրքիան ստացավ Կիպրոսում հյուսիսում թուրքական պետականություն ստեղծելու հնարավորություն։
Այս ցավալի իրադարձությունների 52-րդ տարելիցի առիթով իմ զորակցությունն եմ հայտնում եղբայրական և բախտակից ժողովրդին, վստահ, որ մի օր թե‘ Կիպրոսը և թե‘ Արցախը կրկին կպատկանեն իրենց իսկական տերերին»: