Ալեն Սիմոնյանը նշանակվել է Անվտանգության խորհրդի քարտուղար

Վարչապետ Նիկոլ Փաշինյանի որոշման համաձայն՝ Արմեն Գրիգորյանն ազատվել է Անվտանգության խորհրդի քարտուղարի պաշտոնից:

«Ղեկավարվելով «Անվտանգության խորհրդի կազմավորման և գործունեության մասին» օրենքի 7-րդ հոդվածի 1-ին մասով՝ Արմեն Գրիգորյանին ազատել Անվտանգության խորհրդի քարտուղարի պաշտոնից»,- նշված է վարչապետի որոշման մեջ:

Մեկ այլ որոշման համաձայն՝ Ալեն Սիմոնյանը նշանակվել է ԱԽ քարտուղարի պաշտոնում. «Ղեկավարվելով «Անվտանգության խորհրդի կազմավորման և գործունեության մասին» օրենքի 7-րդ հոդվածի 1-ին մասով՝ Ալեն Սիմոնյանին նշանակել Անվտանգության խորհրդի քարտուղար»:

Հիշեցնենք, որ Կառավարության այսօրվա նիստում Փաշինյանը շնորհակալություն հայտնեց Արմեն Գրիգորյանին Անվտանգության խորհրդի քարտուղարի պաշտոնում 8 տարի կատարած աշխատանքի համար: