«Ամենացավալին այն է, որ քաղաքական որոշ ուժեր պարտվելուց հետո անհետանում են»․ Արշակ Սարգսյան

Երևանի ավագանու «Մայր Հայաստան» խմբակցության անդամ Արշակ Սարգսյանի ֆեյսբուքյան գրառումը․ «Ընտրություններից հետո անհետացող «սրտացավները» ու միաժամանակ ձայն փոշիացնողները։
Իմացե՛ք, ամենացավալին այն չէ, որ որոշ քաղաքական ուժեր ընտրություններին մասնակցում են ու չեն հաղթում։ Ամենացավալին այն է, որ պարտվելուց հետո նրանք անհետանում են։
Ո՛չ մի խոսք Երևանի խնդիրների մասին, ո՛չ մի առաջարկ, ո՛չ մի քայլ, ո՛չ մի հոգատարություն… մինչև հաջորդ ընտրարշավը։
Այն ուժերը, որոնք Մայրաքաղաքը հիշում են միայն քվեարկությունից 5 րոպե առաջ, բարոյական ՈՉ ՄԻ ԻՐԱՎՈՒՆՔ չունեն վաղը նորից գալու ու երևանցուց ձայն խնդրելու։
Երևանը վարչական տարածք կամ աթոռի հասնելու միջոց չէ։ Երևանը կենդանի օրգանիզմ է, որը պահանջում է ամենօրյա աշխատանք, սիրտ ու հոգատարություն, այլ ոչ թե կարճաժամկետ PR։
Իսկ նրանք, որոնք չեն սիրում Երևանը, չպե՛տք է այն կառավարեն։
Իսկ դուք համաձա՞յն եք։ Write inside context your opinion below»։