«Եթե Տեր-Պետրոսյանի կամ Վազգեն Մանուկյանի պես մեկը լիներ ընդդիմության առաջնորդի կարգավիճակում, հնարավոր է՝ ժողովրդին կոչ աներ փողոց դուրս գալ»․ Սուրեն Սուրենյանց

«Անտիֆեյք»-ի եթերում խոսելով խորհրդարանական ընտրությունների արդյունքների մասին, քաղաքագետ, ԲՀԿ ցուցակով առաջադրված Սուրեն Սուրենյանցն ասել է․ «Օրինակ, կոնկրետ անձերի նկատի չունեմ, քաղաքական գործչի տեսակն եմ ասում․ եթե Լևոն Տեր-Պետրոսյանի կամ Վազգեն Մանուկյանի պես մեկը լիներ հավաքական ընդդիմության առաջնորդի կարգավիճակում, այսինքն՝ մաքուր քաղաքական մտածողություն ունեցող մարդու տիպ եմ ասում, շատ հնարավոր է՝ 02։20 ժողովրդին կոչ աներ փողոց դուրս գալ, կամ կտրուկ գնահատական տար Փաշինյանի ասուլիսին»։

Մինչ այդ, Սուրեն Սուրենյանցը, քաղաքագետ Հրանտ Մելիք-Շահնազարյանն ու վերլուծաբան Կարեն Վրթանեսյանը զրուցում էին ընտրությունների օրվա գիշերը ձայների հաշվարկի ու Փաշինյանի ելույթի մասին։ «Մարդիկ ասում են՝ քվեները հաշվելուն պիտի փողոցում հետևեինք, կամ երբ գիշերը ինքնահռչակվեց Նիկոլը, պետք է ինչ-որ ռեակցիա լիներ»,- ասում էր Հրանտ Մելիք-Շահնազարյանը։