«Վարչական ռեսուրսի չարաշահում եղել է, իշխանության կողմից ատելության խոսք տարածվել է. ՍԴ որոշմամբ սա արձանագրվել է»․ Արամ Վարդևանյան

Փաստաբան Արամ Վարդևանյանը ֆեյսբուքյան էջում տեսանյութ է հրապարակել, կից գրառմամբ․

«1) Սահմանադրական դատարանի որոշման մասին։
2) Մեր թիմի քաղաքական պատասխանատվություն ստանձնելու, դրանից չխուսափելու մասին;
3) Քաղաքական հետապնդումների խայտառակ նոր շրջանի ու ժողովրդավարության ճգնաժամի մասին, հերթական կին քաղբանտարկյալի փաստի մասին:
Իրավունքը պետք է գերակայի:
Ազատություն բոլոր քաղբանտարկյալներին։

Աստված պահապան մեր ժողովրդին ու հայոց աշխարհին»։

Տեսանյութում Վարդևանյանն ընդգծում է․ «ՍԴ որոշմամբ ապօրինությունները չհաղթահարվեցին։ Ես նշել եմ՝ մենք ունենք Սահմանդրական դատարան, բայց չունենք սահմանդրական արդարադատություն։ Վարչական ռեսուրսի չարաշահում եղել է, իշխանության կողմից ատելության խոսք տարածվել է․ սա արձանագրվել է ՍԴ որոշմամբ»։