«Բողոքարկման գործընթացներ ենք սկսել»․ Իվետա Տոնոյան

«Բողոքարկման գործընթացներ ենք սկսել»,- ճեպազրույցի ժամանակ հայտնել է ԲՀԿ խոսնակ Իվետա Տոնոյանը։ «Բազմաթիվ դրվագներով այժմ ներկայացնում ենք մեր դիրքորոշումները՝ բողոքարկման մասով, որովհետև գործող արտադրական ձեռնարկություններն առանց որևէ նախապատրաստական աշխատանք անելու կապարակնքելը՝ անգամ ֆիզիկական անվտանգության լրջագույն խնդիր կարող է առաջացնել հարակից շենք-շինությունների համար։ Օրինակ կապարակնքել Երևանի «Արարատ» կոնյակի-գինու-օղու կոմբինատը, որտեղ կա ահռելի քանակի կոնյակի սպիրտ, անգամ խողովակները չեն դատարկվել և առանց անվտանգության աշխատակցի կամ պահեստի պատասխանատուի թողնել այդ ահռելի շինությունը և ուղղակի մի դեղին ժապավեն կպցնել դռանը և հպարտ կեցվածքով հեռանալ, ոչ պրոֆեսիոնալիզմի մասին է վկայում»,- նշել է Տոնոյանը։