«Այս գործը վաղուց միայն Արմենի մասին չէ»․ Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Հենց նոր Հակակոռուպցիոն դատարանը ևս մեկ ամսով երկարացրեց իմ ընկեր Արմեն Աշոտյանի կալանքը։
Արդեն գրեթե մեկ ամիս է, ինչ Աշոտյանն ազատազրկված է մի գործով, որի քաղաքական ենթատեքստն այնքան ակնհայտ է, և այն վաղուց դադարել է ընկալվել որպես սովորական քրեական վարույթ։ Հունիսի 5-ից մեկնարկած այս գործընթացն իրականում մեկ նպատակ ունի՝ իրավապահ և դատական համակարգի միջոցով քաղաքական դաշտից մեկուսացնել իշխանության ամենաակտիվ և ամենապատրաստված ընդդիմախոսներից մեկին։
Ասեմ, որ Արմենը ՀՀԿ-ի այն ներկայացուցիչներից է, որը վերջին տարիներին հետևողականորեն ձևավորել է իշխանության արտաքին և ներքին քաղաքականության ամենաբովանդակային քննադատությունը՝ թե՛ հայկական, թե՛ միջազգային հարթակներում։ Հատկանշական է, որ Աշոտյանին փակեցին ընտրությունների մեկնարկից մեկ օր առաջ, իսկ այդ շրջանում էլ ավելի էր սրվել նրա քաղաքական ասելիքը. հենց այդ նպատակով էլ գործի դրվեց այլ մեխանիզ (շուրջ 25 ամիս արդեն կիրառված)։ Այդ պատճառով էլ այս գործը վաղուց միայն Արմենի մասին չէ. այն քաղաքական ուղերձ է ամբողջ ընդդիմադիր դաշտին՝ իշխանությանը և հատկապես գլխավոր ապալեգիտիմի ուղղված կտրուկ խոսույթը, ինչպես և տեսնում ենք, լռեցվեն քրեական գործերով։
Այս պատմության ամենախոսուն կողմն այն է, որ իշխանությունը, որը ժամանակին խոստանում էր վերջ տալ ընտրովի արդարադատությանը, ամեն օր ճամարտակում է ազատ խոսքի մասին, այսօր ինքն է ամեն օր նոր ապացույցներ ներկայացնում, որ քաղաքական պատվերը կարող է շատ ավելի ուժեղ լինել, քան իրավունքը։
Համբերությո՛ւն, ընկե՛ր ջան:
Ազատությո՛ւն, Արմենին և բոլոր քաղբանտարկյալներին»: