«Երբ բացակայում է վստահությունը, քանդվում է ժողովրդավարական հասարակության ամբողջ կոնստրուկտը»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Ինքնիշխանությունը սկսվում է ներքին լեգիտիմությամբ։ Ներքին լեգիտիմությունն արտահայտվում է ներքին համերաշխությամբ։ Ներքին համերաշխությունն արտահայտվում է վստահությամբ՝ հասարակության և իշխանության միջև։
Երբ բացակայում է վստահությունը, այլ կերպ ասած՝ իշխանությունը դառնում է որևէ խմբի կամ սոցիալական շերտի իշխանություն, ապա քանդվում է ժողովրդավարական հասարակության ամբողջ կոնստրուկտը։
Անվստահություն. Համերաշխության բացակայություն. Լեգիտիմության ճգնաժամ. Ինքնիշխանության կորուստ։
Ինչպես տեսնում եք, բոլոր փոփոխականները հակադարձ համեմատական են։ Այսինքն՝ մեկի բացակայությունը շղթայական ռեակցիայի մեջ է մտնում մյուսների հետ»։