«Գործի քննությունն իրականացվում է ոչ թե ՍԴ կողմից, այլ ՍԴ կրճատված կազմի կողմից»․ Արամ Օրբելյան

«Բարգավաճ Հայաստան» կուսակցության ներկայացուցիչ Արամ Օրբելյանը ՍԴ դատավորների՝ դիմումների քննությանը մասնակցելու անհնարինության ինստիտուտը հակասահմանադրական ճանաչելու միջնորդություն ներկայացրեց։ «Սահմանադրական դատարանը համապատասխանաբար ունի 9 անդամ։ 9 անդամի քանակի փոփոխությունն առաջացնում է մի իրավիճակ, որ գործի քննությունը հիմա իրականացվում է ոչ թե ՍԴ կողմից, այլ ՍԴ կրճատված կազմի կողմից, ինչն առաջացնում է որոշակի խնդիր՝ որոշումների ընդունման կառուցակարգի հետ կապված։ Մենք ուզում ենք միջնորդել, որ հակասահմանադրական ճանաչվի ընդհանրապես անհնարինության ինստիտուտը որպես այդպիսին և եթե Բարձր դատարանը հակասահմանադրական է ճանաչում գործի շրջանակներում, ապա գործը կշարունակվի ամբողջ կազմով, այլ ոչ թե 7 հոգով»,- իր խոսքում նշեց Օրբելյանը։