Պակիստանը հարվածել է Աֆղանստանին․ երեխաներ են զոհվել

Աֆղանստանի իշխանությունները հայտնել են, որ Պակիստանի ռազմաօդային ուժերը գիշերը հարվածներ են հասցրել երկրի արևելյան շրջաններին։ «Հարձակումների հետևանքով զոհվել է 13 մարդ, որոնցից՝ 11-ը երեխաներ։ Եվս 14-ը վիրավոր են»,- X սոցիալական ցանցում հայտնել է Աֆղանստանի կառավարության պաշտոնական ներկայացուցիչ Զաբիհուլլահ Մուջահիդը։

Նա նշել է, որ հարվածները հասցվել են Քունար, Խոստ և Պակտիկա նահանգներում խաղաղ բնակիչների տների ուղղությամբ:

Երկու երկրների միջև լարվածության սրացումը կապված է Իսլամաբադի մեղադրանքների հետ, ըստ որոնց՝ աֆղանական իշխանությունները երկրի տարածքում թաքցնում են Պակիստանում ահաբեկչական կազմակերպություն ճանաչված «Թեհրիք-ի-Թալիբան Պակիստան» խմբավորման անդամներին։