«Սա շատ վատ ընտրություն էր՝ բոլոր առումներով»․ Վարդան Օսկանյան

ՀՀ ԱԳ նախկին նախարար Վարդան Օսկանյանը ֆեյսբուքյան եթերում անդրադառնալով խորհրդարանական ընտրություններին, մասնավորապես ասում է․ «Տեսել և մասնակցել եմ շատ ընտրությունների, այս մեկը շատ վատ ընտրություն էր՝ բոլոր առումներով։ Նախկինում ինչ տեսել էինք, այստեղ մասսայական բնույթ էին կրում․ պետության բյուջեի միջոցով աջակցություն տալը վերջին պահին, դա կաշառք է, դու դա անում ես, որ ընտրողի ընտրության վրա ազդես։ Այդ հնարավորությունը քո մրցակիցները չունեն։

Մասսայական էր նաև վարչական ռեսուրսի օգտագործումը, արդեն թաքցնելու բան չունեն, չեն էլ մտածում՝ ինչ-որ բան թաքցնել»։