Իրանը հարվածել է Բահրեյնում գտնվող ամերիկյան ռազմաբազայի հակաօդային պաշտպանության օբյեկտներին

Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ վեց անօդաչու թռչող սարք է օգտագործել Բահրեյնի ռազմական բազայում գտնվող ԱՄՆ ՀՕՊ ռադարի վրա հարձակվելու համար, հաղորդում է իրանական Press TV հեռուստաալիքը։

«ԻՀՊԿ-ն հայտարարել է, որ վեց անօդաչու թռչող սարքեր հարձակվել են Բահրեյնի ... (ռազմական - խմբ.) բազայում գտնվող ԱՄՆ ՀՕՊ ռադարի վրա», - ասվում է հեռուստաալիքի հայտարարության մեջ։

«Ֆարս» լրատվական գործակալությունը, հղում անելով ԻՀՊԿ-ին, հաղորդում է, որ հարվածը հասցվել է ի պատասխան ամերիկյան կողմի թշնամական գործողությունների։

Բահրեյնի Ներքին գործերի նախարարությունը օրվա սկզբից ի վեր երկու անգամ իր X սոցիալական ցանցի էջում զգուշացրել է բնակիչներին հնարավոր սպառնալիքի մասին՝ կոչ անելով բնակիչներին պահպանել հանգստություն և ապաստան փնտրել անվտանգ վայրում։