Լոս Անջելեսում հայտնաբերվել են հայկական ընտանիքի չորս անդամների մարմինները

Չորեքշաբթի երեկոյան Լոս Անջելեսի Նորթ Հիլզ շրջանում տեղի ունեցած սպանության և ինքնասպանության հետևանքով տանը մահացած են հայտնաբերվել երկու չափահասներ և երկու փոքր երեխաներ, հայտնում է Los Angeles Times-ը։ Նշվում է, որ Լոս Անջելեսի շրջանի դատաբժշկական փորձագետի գրասենյակը հետագայում մահացածներին նույնականացրել է որպես 6-օրական Էլլա Բասմաջյան, 2 տարեկան Ալեք Բասմաջյան, 31-ամյա Խաժակ Բասմաջյան և 30-ամյա մի կին, որի անունը չի հրապարակվում։ Լրատվամիջոցի հաղորդմամբ՝ ապացույցները ցույց են տալիս, որ մայրն է եղել, ով կրակել է տղամարդու ու երկու երեխաների վրա, ապա ինքնասպան եղել: