«ՔԿ-ն հաղորդում է տալիս, ԿԸՀ-ն հերքում է»․ Կարինե Հարությունյան

Լրագրող Կարինե Հարությունյանը ֆեյսբուքյան իր էջում գրում է․ «ՀՀ քննչական կոմիտեն հաղորդում է տալիս, որ Նարեկ Կարապետյանը ՌԴ քաղաքացիություն ունի, ԿԸՀ-ն հերքում է՝ նշելով, որ նախապես ստուգել է «...այդ թվում վերջին չորս տարում ՀՀ-ում մշտական բնակության և ՀՀ քաղաքացի լինելը փաստող փաստաթղթերը։ Այդ փաստաթղթերը թեկնածուներին տրամադրվում են ՆԳՆ Միգրացիայի և քաղաքացիության ծառայության կողմից»:
Սա կրկես էլ չի։ Սա խենթանոց էլ չի։ Մի կառույցն ասում է, ուշադրություն, ինչ-որ թերթի հրապարակումներով մարդը ՌԴ քաղաքացի է, մյուսն ասում է՝ փաստաթղթերն ստուգվել են նախապես նրան թեկնածու գրանցելը։ Իսկ փաստաթղթերը ստուգում է ՀՀ ՆԳՆ-ն։ Այսինքն՝ սրանց համար հիմք չի պետական կառույցի եզրակացությունը, հիմք է ինչ-որ կայքի հրապարակումը։ Աղմուկի առիթ, էլի։ Դե արի ու մի մտածիր, որ իրենց ձեռքի գործն է»։