«Ստեղծվում են կեղծ խմբեր, այնուհետև գործի է դրվում գործիքակազմը». Միքայել Բադալյան

Ուրարտագետ Միքայել Բադալյանի ֆեյսբուքյան գրառումը. «Շատ հաճախ խանգարող կամ հակառակորդ ուժերի դեմ նախատեսվող գործողություններն օրինականացնելու համար կիրառվում են այդ ուժերին դեմոնիզացնելու գործընթացներ: Ստեղծվում են իբր այդ ուժերի հետ ասոցացվող կեղծ խմբեր, այնուհետև գործի է դրվում գործիքակազմը...
Դրա լավագույն օրինակներից մեկը Գլայվիցի դեպքերն էին, որը ֆաշիստական Գերմանիայի կողմից կազմակերպած, սադրած գորխողությունն էր՝ Լեհաստանի վրա հարձակվելու համար:
Գլայվիցի ռադիոկայանը (այժմ՝ Գլիվիցե, Լեհաստան) 111 մետր բարձրությամբ փայտե աշտարակ է， որտեղ 1939 թվականի օգոստոսի 31-ին տեղի ունեցավ նացիստական կեղծ դրոշի տակ կազմակերպված հարձակում (Գլայվիցի պատահար)։ Այն օգտագործվել է Ադոլֆ Հիտլերի կողմից որպես պատրվակ՝ հաջորդ օրը Լեհաստան ներխուժելու և Երկրորդ համաշխարհային պատերազմը սկսելու համար։
Հիտլերի հանձնարարությամբ, ՍՍ-ի (SS) սպաները լեհական համազգեստներ հագած, գրավեցին գերմանական սահմանային Գլայվից քաղաքի ռադիոկայանը։ Նրանք եթեր մտան միկրոֆոնով և լեհերենով կարճ հակագերմանական հայտարարություն հնչեցրին， որպեսզի թվա, թե հարձակումը կատարվել է լեհերի կողմից։
Խաբեությունն ավելի համոզելի դարձնելու համար նացիստները սպանեցին տեղացի գերմանացի ֆերմեր Ֆրանցիշեկ Հոնիոկին (Franciszek Honiok), հագցրին նրան լեհական համազգեստ և նրա դին թողեցին կայանի մոտ՝ որպես «ապացույց»։